الشرح الكامل للتورنت وما يخصة

العملاق ميدو · 03-06-2010, 09:27 PM

بسم الله الرحمن الرحيم

باذن الله سيتم العرض الشامل والكامل للتورنت باذن الله- والكمال لله وحدة- وكل ما يخصة باذن الله
اولا احب اقول شىء للامانة وحفظ حقوق الغير الموضوع باذن الله افضل شرح ممكن تلاقية على النت يخص التورنت وهو مجهود لفريق كامل وبصراحة انا رغم خبرتى بالتورنت ولكن لا استطيع مهما تكلف الامر انا اقدم شرح ادق وافضل من هذا

اولا:: ما هو التورنت؟ يعنى ايه تورنت؟
لتورنت طريقه عشان تحمل بيها اى شئ سواء افلام-العاب-اغانى-برامج...الخ وهو بديل افضل من الوصلات المباشره زى الرابدشير والميجا ابلود عشان تحمل وتبدء تشتغل وتدخل فى عالم التورنت لازم تشترك فى موقع تورنت(موقع التورنت اسمه تراكر فى عالم التورنت)..والتراكرز فى عالم التورنت بتنقسم لمواقع عامه يعنى مفتوحه للجميع اى شخص ممكن يحمل منها من غير اشتراك بس مشكلتها ان سرعتها دايما بتكون بطيئه....وهناك مواقع خاصه وعشان تشترك فيها بيكون عن طريق دعوه من عضو مشترك فيها ودى بتتميز بسرعات رهيبه جدا ...

ثانيا:: ازاى ابدء ادخل فى التورنت ؟
دلوقتى عشان تبدء تدخل فى عالم التورنت وتحمل لازمك
اشتراك فى موقع تورنت (تراكر) سواء خاص او عام حسب ما تحب
برنامج تحميل تورنت سواء يوتورنت او بت كومت او غيره..
ملاحظه: شرح برامج التورنت كلها هيكون فى نفس الموضوع

ثالثا:: ايه هيا طريقه التحميل فى التورنت؟
ى ما اتفقنا الاول بتشترك فى موقع سواء خاص او عام بعد كدا الموضوع بيكون سهل..اى موقع تورنت هتلاقى فيه سيرش بار ..يعنى مربع خاص بالبحث زى مربع البحث بتاع جوجل ..
بتكتب اسم الشئ او الحاجه اللى انتا عايز تحملها سواء فلم او لعبه او اغنيه وتضغط على زر سيرش (بحث) هتلاقى كل الملفات المتعلقه بالشئ دا قدامك تشوف الملف الل انتا محتاجه وتحمله بيكون عباره عن ملف صغير جدا كذا كيلو ..حضرتك بتاخد الملف الصغير دا وبتضيفه فى برنامج التحميل زى اليوتورنت وخلاص تبدء تحمل ...موضوع بسيط جدا
ملاحظه: شرح طريقه التحميل بالتفصيل هيكون فى نفس الموضوع دا

رابعا::ايه هيا القاعده العامه المبنى عليها التورنت؟(النقطة دى مهمة ارجو الاهتمام بها)
القاعده الاساسيه هيا فيد واستفيد..التورنت نظام مشاركه وزى ما بتحمل لازم ترفع للناس عشان تستفيد هيا كمان..يعنى زى ما بتعمل دونلود لازم تعمل ابلود القاعده اللى بتحكم الموضوع دا نظام اسمه الرشيو..بيكون لحسابك فى اى موقع تورنت نسبه رشيو بتحسب نسبه الدونلود للابلود بتاعك وكل ما النسبه دى كانت فوق الواحد الصحيح كل ما كنت انتا فى السليم وكل ما قلت كل ما تتعرض لمشاكل..

خامسا:: ايه الفرق بين مواقع التورنت العامه والخاصه ؟

هو يعنى ايه اصلا مواقع عامة ومواقع خاصة ?

المواقع العامة من اسمها كدة مواقع متاحة للجميع انه يدخلها ويحمل منها اى ملف هو عاوزه ومن اشهر المواقع العامة :

mininova - thepiratebay - newtorrents - fulldls - suprnova - Torrentportal

واهم مميزات المواقع العامة ؟

1- من غير اشتراك يعنى تقدر تدخل وتحمل اى ملف انت عاوز ( زى ما قولنا قبل كدة )

2- لا يوجد به نظام رشيو ( سيتم شرحه بالتفصيل لاحقا )

3- العدد الهائل لملفات التورينت التى تحتويها عليها هذه المواقع كما يوجد بها عد كبير من الملفات الناردة التى لن تجدها فى اى موقع خاص

طيب واهم عيوب هذه المواقع ؟

1- الملفات اللى بتكون فيها موجوده ممكن تكون متفيرسه

2- من الممكن ان تكون الملفات الموجودة ايضا مزيفة ( يعنى تجيى نزل فيلم زى Spiderman 3 بعد ما التحميل يخلص تلاقيه فيلم تانى خالص او لعبة مثلا )

3 - سرعة التحميل او الدون لود فى الغالب بتكون بطيئة وعلى العكس سرعة الرفع او الابلود بتكون اعلى

4- الموقع بيكون مليان اعلانات وفى الغالب بتكون اعلانات اباحية كمان

اما بقى المواقع الخاصة

فايضا من اسمها تحتاج الى اشتراك لكى تسطيع دخول الموقع والتحميل منه ( طيب وليه ياعم وجع القلب دة ماخلينا فى المواقع العامة دى وخلاص مش دة الى هاتقوله )

لالا طبعا فيه فرق كبير بين المواقع الخاصة والعامة

من اشهر المواقع الخاصة

torrentleech - revolutiontt - torrent-damage - arabfilms - arab-torrentsالى جانب عدد كبير جدا من المواقع الاخرى

ومن اهم مميزات المواقع الخاصة ؟؟

1- سرعة عالية جدا فى التحميل تكاد تقارب من سرعة خط النت الكاملة..

2- تحمل اى ملف وانتا مطمن لافيه ملفات مزيفة ولا مفيرسة لان القائمين على الموقع بيحذفو اى ملف ضار فورا..

3- كل موقع خاص بيكون له منتدى تقدر تطرح فيه اى مشكله او تتناقش فى اى حاجه انتا عايزها..

4- بعض المواقع الخاصه يوجد فيها قسم خاص بالطلبات..يعنى لو انتا عايز فلم معين او لعبه معينه مش موجوده فى اى مكان ممكن تطلبها وهما يرفعوهالك..

5- التخصص يوجد العديد من المواقع الخاصة التى تختص بنوع واحد من الملفات

مثل موقع بلاك كات فى الالعاب و بيتمى فى الملفات التعليمية و عرب فيلمز فى الملفات العربية

واهم عيوب المواقع الخاصة ؟

نظام الرشيو لو معرفتش تظبطه هتعرض نفسك للطرد من الموقع

وبكدا يتضح ان التراكرز الخاصه افضل واحسن بكتير من العامه

والى ان شاء الله معظم شرحنا الجاى هايبقى خاص بيها

الشكر كل الشكر للكاتب الاصلى PTS Team
اتمنى الموضوع ما يكنش مخالف

يتبع باذن الله

من هنا بعض مواقع التورنت الخاصة الفاتحة للتسجيل

العملاق ميدو · 03-06-2010, 09:40 PM

من اكتر الاشياء الى بتبعد الناس عن التورينت لما تدخل قسم تورينت
وتلاقى الناس عمالة تستخدم مصطلحات غريبة متعرفش عنها اى حاجة

وان شاء الله فى الجزء دة هانشرح كافة مصطلحات التورينت
بشكل تفصيلى علشان لما تيجى تدخل اى موقع تورينت تبقى عارف كل حاجة فيه

وعشان متتعبش نفسك وتوجع عنيك لو عاوز تعريف معين

* للبحث عن الكلمه المراده فى القائمة لمستخدمى Internet Explorer او firefoxعن طريق خاصية البحث

Ctrl+F ثم كتابة أى جزء من الكلمه المراد البحث عنه.

Torrent

وهى كلمه التورنيت باللغه الانجليزيه
وطبعا تم شرحها من قبل

(التورنت طريقه عشان تحمل بيها اى شئ سواء افلام-العاب-اغانى-برامج...الخ وهو بديلافضل من الوصلات المباشره زى الرابدشير والميجا ابلود )

واختصارهاBT

Torrent file

وهو ملف صغير حجمه بضعه كيلوهات و لا يتعدى حجمه الميجا

ويكون با متداد
".torrent "

ويحتوى على جميع المعلومات عن البيانات المراد تحميلها

(افلام-العاب-اغانى-برامج )

ويتم تشغيله عن طريق برنامج التورنيت Client

ويربطك ب

بالتراكر tracker

السيدر seeder

الليتشر leecher

1-

·Client

هو البرنامج الذى تستخدمه فى تحميل ملفات التورنت

او هو البرنامج الذى يجعل ملف التورنيت صغير الحجم > فيلم او لعبه او اغنيه عن طرق سحب الملفات من السيدر

ومن امثلتهم

utorrent

يمكنك تحميله من هنا
2-

التراكر-tracker

هو موقع التورنيت الذى يوجد عليه ملفات التورنيت Torrent files

والتراكرات نوعين

1-مواقع عامه

2-مواقع خاصه

وتم توضيح الفرق بين النوعين

السيدر-seeder

هو شخص يوجد عنده الملف المراد تحميله كامل سواء

(الفيلم – اللعبه -الاغنيه)

بكامل حجمها ويتم سحب الملف منه

* الليتشر - leecher

هو الشخص الذى يقوم بتحميل الملف ولم يكتمل عنده الملف بعد
وعند اكتمال التحميل يصبح هذا الشخص
سيدر - seeder

* البير - peer

فى التراكر هما كل المشتركين فى الملف سواء رفع او تحميل

* الابلودر- Uploader

هو الشخص الذى قام بعمل ملف التورنيت ورفعه على التراكروتكون محتوياات الملف على جهازه ويتم سحب الملف منه عن طريق الليتشر

التنزيل - downloading

الرفع -
uploading

يقوم برنا مج التورنيت بالرفع والتحميل تلقائيا دون تدخل منك

طبعا ده طول ما البرنامج شغاليقوم بالرفع والتنزيل فى فى الملفات الموجوده به

الراتيو- ratio

هو نسبه ما قمت بتحميله الى ما قمت برفعه

فمثلا قمت بتحميل 1 جيجا – وقمت برفع 1.5 جيجا

ستكون نسبت تحميلك على التراكر 1.5 وسوف تكون فى امان تام من الطرد

ولكن اذا كان العكس ....

مثلا قمت بتحميل 5 جيجا ولم ترفع الا 1 جيجا

سوف يعطيك التراكر انذار ويعطيك مده محدده لرفع باقى النسبه ويجب ان تصل الى نفس نسبه التحميل التى قمت بها و اذا لم تعدل النسبه
( بالسلامه يا قلبى ) ( طرد )

طبعا بتعرف الراتيو عن طريق الضغط على الاسم بتاعك على التراكر

HnR / H&R / Hit’n'Run/حمل واجرى

معناه ببساطة انك تعمل delete للتورنت بمجرد انتهائك من تحميله من غير ما تعمله سييد وطبعا ده ضد مبادئ التورنت لان كدة انت مش عايز تشارك بالحاجة اللى انت حملتها وتخلى الكل يستفاد ويحملها.

ابسط واسهل طريقة لطردك من مواقع التورنت وكل موقع ليه نظام مختلف بالنسبة لل Hit’n'Run.

مثلا لو انت حملت تورنت مساحته 500 ميجا فى نص ساعة وفى النص ساعة دى عملت ابلود جيجا كاملة كدة الراتيو بتاعك يبقى 2 لكن فى الحالة دى برضو لو شيلت التورنت بسرعة وانت معتقد انك خلاص معدى الراتيو وكله تمام لا ده كلام خاطئ لان كدة برضو تعتبر H&R لانك مسحت تورنت بيعمل سييد بسرعة فلازم ناخد بالنا ونسيب التورنت يعمل سييد مش هنخسر حاجة .

Invites

او الدعوات بيتم اعطائها لعضو متواجد فعليا داخل التراكر وبيتم اعطائه الدعوة نتيجة لامتيازات خاصة يعنى مثلا العضو بقى Power User او الراتيو بتاعه كويس او ما شابه ذلك ويقدر هو يتصرف فى الدعوة عن طريق ارسالها لاى حد بالايميل .

Invite System

المواقع فقط اللى عندا نظام دعوات شغال دائما وثابت هى اللى بنقدر نعرف نظام الدعوات فيها ازاى وبتتوزع الدعوات على الاعضاء امتى وهكذا لكن المواقع اللى بتوزع دعوات بمزاجها وفى اوقات معينة دى منقدرش نقول ان عندها نظام دعوات ومن امثلة هذه المواقع FTWR .

IRC Idle points

بعض مواقع التورنت بتعطى رصيد من الابلود لكل واحد يدخل ال IRC ومش معناها تدخل وخلاص لا تدخل جوه وتكلم الناس وتتحاور معاهم وبيتم اعطاء الدعوات على حسب عدد الساعات اللى بتقضيها داخل ال IRC ومن امثلة هذه المواقع REVTT

IRC (Pre) Channel

ده المكان اللى لما بتحصل اى اضافات جديدة للموقع بتتقال فيه يعنى ببساطة ممكن تسال فيه عن معاد نزول فيلم معين انت منتظره او لو عايز تقترح حاجة عليهم .

Passkey

ده فايدته انه بيمنع التورنتات الموجودة فى مواقع التورنت الخاصة من انها تترفع فى مواقع التورنت العامة لان كدة موقع التورنت الخاص هيبقى عام .

طبعا موقع التورنت العام بينزل عليه التورنت عادى وكلن من غير اى رقم معاه وبالتالى ممكن اى حد يجيب التورنت ويحمله وده اللى بنقول عليه وننبه جامد انك متاخدش اى تورنت من اى موقع خاص وتحطه فى اى موضوع والناس تحمل عادى لان كدة مبقاش موقع تورنت خاص بقى موقع زى اى موقع والاكونت بتاعك طبعا بيبقى فى خطر كبير عليه لان ال Passkey هو اللى من خلاله بيحسبلك الموقع الابلود و الدونلود .

طبعا لو حصل و الرقم ده اتسرق ممكن اوى السارق ياخد الرقم ده ويحطه على اى تورنت من اكونته هو ويحمل عادى جدا و اكنه من اكونت وانت مش دريان ولتجنب ان ده يحصل فى بعض المواقع بتخليك تغير الرقم ده عادى جدا وبطريقة سهلة لما بيقولك اضغط لتغيير ال Passkey انما فى مواقع تانية لازم تكلم حد من الاستف عشان يغيرلك ال Passkey بتاعك ولازم تذكرله السبب اللى انت عايز تغيره عشانه .

Pay To Leech

ومعناها زى ما هو واضح ادفع فلوس وحمل براحتك او بمعنى اخر اعمل donate وفى طريقتين فى النظام ده :

1- لما تيجى تعمل donate للموقع اكيد طبعا بتاخد امتيازات خاصة وهى اما دعوات او رصيد من الابلود او upload Credits وهو ده اللى كلامنا عليه انت راجل دلوقتى ابلودك ضعيف جدا ومش هتقدر تظبط الراتيو بتاعك يبقى الحل ايه انك تدفع للموقع وتاخد مكان اللى دفعته رصيد معين من الابلود بيبقى على حسب مبلغ ال donate وبعد كدة تحمل براحتك من غير ما الراتيو يحصله حاجة وده طبعا فى المواقع اللى بتهتم جدا بالراتيو وطبعا من المواقع دى SCT.

2- اما بالنسبة للمواقع اللى مبتفرقش معاها موضوع الراتيو قوى فبيقولك ادفع وميهمكش الراتيو يعنى ادفع وحمل براحتك ومش هنبص على الراتيو بتاعك وده طبعا لمدة معينة حسب مبلغ ال donate اللى هتدفعه ومن اشهر المواقع فى النظام ده TL و ArabFilms .

Pruned / Pruning

a pruned account هو الاكونت اللى تم مسحه من الموقع وعادة ده بيحصل نتيجة عدم استخدام الاكونت لفترات طويلة تتراوح بين 4-8 اسابيع وبيتم مسح الاكونتات دى لاتاحة الفرصة للاعضاء الجدد اللى هما هيستخدموا الاكونت فعلا .

ep/reputation points

عادة بنشوف الكلمة دى فى ال forums او المنتديات يعنى مثلا لو حد جاوب على سؤال انت طرحته او قام باعطائك دعوة فى ال giveaway بتاعه فلابد من اعطائه نقطه لتشجيعه على عمل ذلك مرة اخرى وبتزيد شهرته طبعا فى المنتدى .

Slot Restrictions / Wait Time

دى بنشوفها كتير لما بيكون الاكونت جديد خالص وتيجى تحمل التورنت يقولك مينفعش لازم تستنى حوالى 3 ايام عشان تحمله ويقولك جرب تورنت يكون قديم شوية والكلام ده موجود فى TL ومواقع اخرى .

وبرضو فى حاجة تانية ان انت طول ما انت لسة USER ليك عدد معين من التورنتات تقدر تنزله الا لو بقيت Power User بيتفتحلك اماكن اكتر للتحميل يعنى مثلا موقع Electronic لو انت User تقدر تنزل وليك مكان 5 تورنتات فقط انما لما تترقى وتبقى Power Usre بيزيد العدد ده وهكذا .

Seed/Leech Ratio

ومعناه عدد السيدرز مقارنة بالليتشرز يعنى لو فى 20 سيدر و 1 ليتشرز كدة معناها ان الراتيو 2000% وطبعا كل ما النسبة تعلى كل ما سرعة الدونلود تزيد لكن فى مفس الوقت يبقى الابلود صعب .

User Class

وهى طريقة لتصنيف اعضاء الموقع . معظم المواقع عندها نظام لرتب الاعضاء وبيتم حسابه على اساس اكتر واحد بيشارك بالابلود بتاعه والراتيو بتاعه كويس وكل ما الابلود يعلى والراتيو يعلى بيتم ترقيتك لتصنيف اعلى ودى بتبدا من يوزر عادى الى الترا يوزر او موديراتور.

0-Day Tracker

0-Day معناها ان فى شخص معين او مجموعة معينة عندها امكانية الحصول على فيلم معين بمجرد نزوله فى الاسواق خلال يوم واحد وفى العادة بيكون اقل من يوم فنقدر نقول 0-Day

0-Day Tracker ده تراكر بيبقى محتواه مكون من الافلام اللى قلنا عليها وهى اللى بتبقى موجودة على الموقع بمجرد نزولها فى الاسواق وطبعا من اقوى واسرع المواقع فى المجال ده SCT .

2X Upload / 2Xup

معناه ان الموقع عامل على تورنتات معينة ضعف الابلود يعنى يتحسبلك الابلود الضعف وببتبقى على تورنتات معينة وبيساعد جدا فى زيادة الراتيو وفى بعض المواقع ساعات بتعمل 4Xup يعنى الابلود 4 اضعاف.

افضل مثال على المواقع دى واللى شغال بالنظام ده علطول فى بعض التورنتات هوBit-Hdtv

بكده والحمد لله نكون عرفنا تقريبا كل شىء عن التورنت
يوجد هناك المزيد ولكن يجب عليك ان تكتشفه بنفسك
باذن الله سيتم عمل موضوع عن مواقع التورنت الخاصة الفاتحة للتسجيل
وسيتم عمل نظام لتبادل الدعوات اذا ما توفرت
مرة اخرى اشكر صاحب الموضوع الاصلى PTS Team
والله الموفق

العملاق ميدو · 03-06-2010, 11:08 PM

شرح برنامج الUtorrent

يمكنك تحميله من هنا

بعد تحميل البرنامج

نفتحه بالضغط دبل كليك عليه

تابع معايا :

1 - عمل اختصار للبرنامج فى قائمه ستارت .

2 - عمل اختصار للبرنامج فى قائمه الوصول السريعه .

3 - عمل اختصار للبرنامج على الديسك توب .

بتحدد انت عاوز تنزل الاختصارات فين بعد كده بتدوس على iNstall

بتظهرلك الصوره دى :

بتختار زى ما انا عامل بالظبط .

وبكده البرنامج نزل وده شكله اللى بيظهر بيه :

- Main Toolbar

وده التول بار الاساسى فى البرنامج
يحتوى على :

Add Torrent

وفى اكتر من طريقه لوضع ملف تورنت بالبرنامج :

* الضغط دبل كليك على ملف التورنت بعد التحميل .

* بالضغط على Add Torrent وتحدد مكان الملف

* فتحه من الويب على طول ( بدل ما تختار تحميل تختار فتح )

* او عن طريق اضافه لينك Add Torrent From URL

وبأى طريقه من طرق وضع الملف بيظهرلك التالى :

طبعا بتحدد انت عاوز تنزل فين , عاوز تنزله كل ولا حته منه

وبعد كده بتدوس اوكى

وبيكون ده الشكل اثناء التحميل :

Create New Torrent

وعن طريق الخيار ده بتقدر تعمل ملف تورنت جديد

ونيجى لرفع الملف على التراكر :
لما بتدوس على خيار Upload فى التارك بتظهرلك الخيارات دى

( بتختلف اختلاف بسيط من تراكر للاخر )

1 - بتحدد مكان الملف اللى هتقوم برفعه .

2 - بتكتب اسم الملف ( ده الاسم اللى هيظهر فى قائمه البراوس ) .
3 - بتحدد مكان ملف ال Nfo ( ممكن تحطه وممكن لأ ) .

4 - بتحط لينك البوستر بتاع الحاجه اللى هترفعها ( لو مش موجود مش مشكله ) .

5 - بتشرح ايه هيا الحاجه دى ( معلومات عنها ) .

6 - بتحدد القسم اللى هيترفع فيه .

وفى الاخر Do iT

وبكده يكون اترفع الملف على التراكر .

( بعد كده بتحمل الملف تانى من التراكر وتفتحه وتحدد مكان الملفات وتسيبه يعمل شيك عشان يبدأ رفع ).

#15

بخصوص جزئيه الاهميه .

عن الطريق الخيار ده تقدر تحدد اهميه الملف ده

سواء ان كانت عاليه او عاديه او قليله او عدم التحميل نهائيا .

وبتقدر تجيب الكلام ده عن طريق الضغط كليك يمين على الملف .

وبكده نكون انتهينا من الجزئيه دى ,

وناتى الى اعدادات البرنامج

التعرف على افضل خصائص واعدادت البرنامج .

اولا الاعدادات :

وبنقدر نوصل للاعدادات عن طريق الضغط على Ctrl+P

Option ---> Preferences

او الضغط على

بالوصول اليها بأى طريقه يظهر التالى :

1 - اللغه ( اختيار اللغه للبرنامج ولو اللغه اللى انت عاوزه مش موجوده بتضغط على More وبتحملها من موقع البرنامج )

2 - جعل البرنامج هو البرنامج الاساسى لملفات التورنت .

3 - وعن طريق الخيار ده البرنامج بيعمل شيك ان كان هو البرنامج الاساسى لملفات التورنت ام لا .

4 - وده خيار اساسى وعن طريقه البرنامج بيشتغل مع الويندوز ( كل مره بتفتح الجهاز البرنامج بيشتغل معاه تلاقئ )

5 - عن طريق الخيار ده البرنامج بيعمل بحث عن الابديت اوتوماتيكيا .

1 - عن طريق الخيار ده بيظهرلك تأكيد عند مسح ملف تورنت .

2 - عن طريق الخيار ده بيظهرلك تأكيد عن اغلاق البرنامج .
3 - عن طريق الخيار ده بيظهرلك سرعه الرفع والتحميل للبرنامج فوق على الشمال زى كده :

4 - عن طريق الخيار ده بيظهرلك تأكيد عن حذف تراكر من ملف تورنت .

6 - عن طريق الخيار ده بيظهرلك محدد التحميل تحت زى كده :

ده لو انت عامل محدد من اساسه .

7 - عن طريق الخيار ده عن الضغط على مفتاح Close

البرنامج بينزل لــ System Tray

8 - عن طريق الخيار ده بيتم اظهار الايكونه بتاعت

البرنامج دائما فى الــ System Tray

9 - الخيار ده بيظهرلك بالون فيه سرعه التحميل وسرعه الرفع لما تقف بالماوس على الايكونه الموجوده فى الــ System Tray

زى كده :

10 - عن طريق الخيار ده عن الضغط على مفتاح التصغير البرنامح بينزل لــ System Tray

11 - عن الطريق الخيار ده عن الضغط على ايكونه البرنامج الموجوده فى System tray ضغطه واحده يظهر البرنامج ( بدل ما تضغط ضغطتين )

رقم 1 : ومن هذا الاختيار نقوم بتحديد الفولدر الذى يتم وضع ملفات التورينت التى تقوم بالتحميل

رقم 2 : يمكنك تحديد الفولدر الذى ينتقل اليه الملفات التى تم اكتمال تحميلها

رقم 3 : اذا اردت حفظ ملف التورينت الذى قمت بتنزيله من موقع التورينت فى فولدر مخصص نقوم باختيار هذا الفولدر

رقم 4 : نقل ملفات التورينت التى اكتملت الى فولدر مخصص لها

رقم 5 : اذا اردت ان يقوم البرنامج ببدء التحميل التلقائى لملفات تورينت نقوم بتحديد فولدر ونضيف فيه الملفات

محمد سعد · 03-07-2010, 02:54 PM

موضوع رائع

تسلم ايدك اخى الكريم

سعيد محمد · 03-07-2010, 08:14 PM

شكرا يااستاذنا على هذا الموضوع المفيد والرائع 0 ونامل المزيد من المواضيع الهامه.
شكرا جزيلا والله يبارك فيك

العملاق ميدو · 03-08-2010, 11:33 PM

شكرا اخى محمد سعد واخى سعيد محمد على التواجد فى الموضوع واتمنى كامل الاستفادة

فتون · 03-11-2010, 05:49 AM

موضوع دائما كنت اتمنى افهم شو يعني تورنت

فشكرا جزيلا اخي على الموضوع الدسم واللي عاوز له فهم وحدة وحدة

العملاق ميدو · 03-19-2010, 10:44 PM

اقتباس

المشاركة الأصلية كتبت بواسطة فتون


	موضوع دائما كنت اتمنى افهم شو يعني تورنت فشكرا جزيلا اخي على الموضوع الدسم واللي عاوز له فهم وحدة وحدة

شكرا ع المرور واتمنى كامل الاستفادة

عظماء التميّز · 04-16-2010, 07:08 PM

النجم الأول · 05-23-2010, 08:10 AM

مبرووووك التميز

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
برنامج قاهر الرابيد شير (((( CryptLoad )))) للتحميل المجاني مع الشرح	النجم الأول	عظماء التكنولوجيا	80	09-04-2010 07:22 PM
الشرح الكامل ل neobux	سامى حسن	عظماء التكنولوجيا	1	10-17-2009 10:20 AM

الذين يشاهدون محتوى الموضوع الآن : 21 ( الأعضاء 0 والزوار 21)

الشرح الكامل للتورنت وما يخصة

عظماء الأدب والشعر والمواضيع المميّزة